الوصفة السحرية للشعر العادى والجاف

نتيجة وصفة وئام حسان السحرية

للشعر الجاف والعادى فقط
1- تطويل الشعر بطريقة رهيبة وبسرعة جدااا
2- منع تساقط الشعر
3- منع تقصف الشعر
4- تنعيم الشعر
5- التخلص من القشرة
6- تكثيف الشعرالمقـــــاديــــر 


4 ملاعق كبيرة زيت سدر 
4 ملاعق كبيرة زيت الروز مارى ( اكليل الجبل) 
4 ملاعق كبيرة زيت حبة البركة ( الحبة السوداء) 
4 ملاعق كبيرة زيت الاس ( الريحان)
4 ملاعق كبيرة زيت الجوجوبا 
4 ملاعق كبيرة زيت الكثيرا 
4 ملاعق كبيرة زيت حب الرشاد 
4 ملاعق كبيرة زيت السمسم( سيرج)
8 ملاعق كبيرة زيت البطم ( لو متوفر لديكم) 
4 ملاعق كبيرة زيت املج
3 ملعقة كبيرة زيت الخس
3 ملعقة كبيرة زيت الخروع
3 ملعقة كبيرة زيت اللوز الحلو
3 ملاعق كبيرة زيت جرجير
ملعقة كبيرة من زيت الثوم
ملعقة صغيرة زيت الافندر
ملعقة كبيرة من زيت الزيتون
ملعقة كبيرة زيت جوز الهند
ملعقة كبيرة من زيت البابونج

طريقة التحضير

تضعى كل زيت فوق الاخر وقبل ما تضعى الزيت اللى بعده
تقلبى كويس
وبعد ما تضعى خليط الزيوت دى فوق بعض تقلبيهم جيدا
وتضعيهم فى علبة رشاش ( بخاخ)

طريقة الاستخدام1- غسل الشعر جيدا وفتح مسامه وفروة راس نظيفة وزى الفل
2- تعملى مساج لفروة راسك ببطن اطراف اصابعك كويس جدا من دقيقة الى 5 دقائق فى جميع انحاء فروة الرأس
لتهيئء فروة راسك لاستقبال الزيوت والاستفادة منها بقدر الامكان
عشان تعرفى انك عملتى مساج ( تدليك ) لفرو ةالراس كويس جدا
تحسى ان فرو ةراسك سخنه معنى كده ان الدورة الدموية جرت فى فروة الرأس
3- تقسمى شعرك الى 4 اقسام وتضعى فى كل قسم
خلطة الزيوت دى على فروة الراس فقط وليس الشعر

4- تلفى الشعر كويس بورق القصدير
5- تتركى الزيت دى عالفروة لمدة ساعة
6- قبل غسل الشعر تعملى لفروة راسك مساج مرة اخرى ببطن اطراف اصابعك لان المساج مهم جدا ويساهم بدرجة كبيرة
فى تطويل الشعر

7- تدخلى الحمام تغسلى شعرك بالشامبو المناسب لنوع شعرك
8- الخطوة اللى قبل الاخيرة تضعى حمام كريم عالشعر لمدة 5 دقائق ثم تشطفى شعرك كويس لان حمام الكريم بيغلف الشعرة ويجعلها غير قابلة للتلف بقدر الامكان

9- الخطوة الاخيرة تشطفى شعرك بالماء البارد لقفل مسام شعرك
لان الشعر له مسام زى مسام البشرة ولازم قفلها بالماء البارد
تستخدم من مرتين الى 3 مرات بالاسبوع
والمواظبة عليها
ل3 شهور على الاقل لو حابة تواظبى عليها
لاكتر من 3 شهور ممكن اووى 
+

مشروب يساعد على تطويل الشعر
على الريق تدفى كوب لبن وتضعيه عليه
ملعقة صغيرة عسل وخميرة
المشروب ده نتيجته رهيبة للشعر وللبشرة
بالنسبة للشعر حيساعدك فى تطويل شعرك
وبالنسبة للبشرة حيساعدك فى
التخلص من عيوب البشرة وخاصة الحبوب واثارها
ويساعدك على تفتيح البشرة ايضا
لان الاهم من التغذية الخارجية لشعرك
التغذية الداخلية من خلال الطعام
لازم تكونى تغذيتك كويسه جداا وبعد التغذية الداخلية
لما تبقى كويسة وبتاكلى خضراوات وفاكهه كتيير
يجى بعد كده التغذية الخارجية لفروة الرأس من خلال الزيوت 

وبكدة انتهيت من وصفتى السحرية لتطويل الشعر
جربيها وحتدعيلى ان شاء الله 
وحيكون لديكى شعر مثل نجووووم بوليوود بفضل الله

اقسم بالله العظيم بفضل الله وبعد مشيئة ربى
شعرك حيكون لغاية ركبتك واطول كمان ان شاء الله
ومتزعليش ان شعرك قصير تعالى خليه طووووووويل
وحبى شعرك واهتمى بيه وخليكى حنينه على شعرك
لان الشعر كائن حى مثل النبات بيحس وكل حاجة
حتلاقى شعرك بقى حلو كتيير ان شاء الله



ملحوظة هااامة
استعنت
بالصور
من على النت 

معكم خبيرة التجميل بالوصفات الطبيعية
وئــام حـسـان